Så mange beltestøler skal du ha til sølvbeltet

Veit du livvidda og kva bunad du ynskjer sølvbelte til? Då kan du enkelt komponera eit heilt komplett sølvbelte:

Lag komplett sølvbelte her

Eit sølvbelte består av:

• Ei skinnlist eller stofflist
• Beltestølar
• Beltespenne
• Eventuelt borer.

Svart skinnlist er den mest brukte, men finst også i andre fargar.

I tillegg til vanlege beltestølar finst det også veskestøl som du kan hekta bunadsveska på, dersom du har.

"Namnestøl" og "Min første støl" er stølar som tilfører det personlege preget mange ønsker å ha på beltet. Dei kan nemleg graverast med namn, initialar eller dato.

Det finst også knivstøl til dei som har kniv som tilbehøyr på bunaden.

Beltestølane slik me kjenner dei i dag, var opphaveleg påsyingsbeslag på kleda i mellomalderen.

Dei fleste beltestølane er 3 cm breie. Finn dei som høyrer til bunaden din her. I tillegg treng du også beltespenne og eventuelt borer. Snakk med din lokale husflid eller systove dersom du er usikker på om bunaden din kan ha sølvbelte eller ikkje.

Me får ofte spørsmål om kor mange stølar ein treng. Litt lenger nede på sida finn du ein måltabell for ulike belte med stølar på 3 cm og beltespenne på 10 cm.

Bruk tabellen som ei rettleiing for å finna ut kor mange stølar du treng. Du kan også enkelt få svar på dette om du brukar beltebyggaren.

Me anbefaler å måla livvidda utanpå bunaden slik at du får korrekt mål og ikkje risikerer å få eit altfor stramt belte. Eventuelt kan du legga til ca. 2 cm dersom du ikkje har bunaden for hand når du måler.

Dersom livvidda di hamnar mellom to mål i tabellen, vel du den næraste. Mellomrommet vert justert med beltespenne ved montering. Hugs også at eventuelle namnestøl/Min førstestøl, veskestøl og knivstøl er ein del av antalet.

Det gjer du enkelt gjennom beltebyggaren! Vel distrikt/bunad og livvidde. Så vel du dei alternativa du ønsker, og til slutt får du ei oppsummering av antal og pris på dei ulike delane du treng til beltet.

Gå til beltebyggaren

1. Finn ut kva belte du skal ha (skinnlist/stofflist, beltespenne og stølar). Om du ikkje finn bilete av beltet ditt nedanfor, kan det vera fordi det brukar eit anna måltabell enn det me viser akkurat her.
    
2. Mål livvidda utanpå bunaden slik at du får korrekt mål. Eventuelt kan du legga til ca. 2 cm dersom du ikkje har bunaden for hand.
    
3. Finn livvidda di på tabellen nedanfor. Dersom den hamnar mellom to mål, vel du det næraste. Hugs at eventuelle namnestøl, Min første støl, veskestøl og/eller knivstøl er inkludert i totalen på antal stølar du treng.

NB! Måltabellen ovanfor gjeld belta som er avbilda nedanfor.

Sølvbelte var gjerne noko ein fekk til bryllaupet som eit tydeleg symbol på overgangen frå ungjente til ei gift kvinne. Mange kallar det difor for konebelte. I dag er ikkje denne tradisjonen like sterk. Fleire og fleire vel å bruka sølvbelte jamvel om dei ikkje er gifte, og mange får det gjerne som gåve allereie til konfirmasjonen.

Uansett er beltestølar glimrande gåver som kan gis år etter år, til bursdagar og jul – til beltet er komplett.