Håndverk frå Voss - Norsk Bunadssølv
6 tips for å halda bunadsveska fin over tid

6 tips for å halda bunadsveska fin over tid

Her får du nokre gode tips til korleis du tek vare på bunadsveska di slik at ho held seg fin over tid.

For bunadsstas og veska du brukar dagleg er kanskje vanskeleg å kombinera, og om du ikkje har ei lomme i stakken så kan det vera ei utfordring å få med seg mobil, pengar og nøklar når du skal av garde. Då er det veldig praktisk med ei bunadsveske om bunaden din kan ha ei.

Etter kvart som den europeiske moten spreidde seg frå kontinentet og vidare nordover på 1600-1700-talet, vart lauslomma, som den også vert kalla, ein del av drakt-tilbehøret her til lands. Innhaldet i lauslomma kunne vera så mangt. Bestikk for eksempel. Særleg ved gjestebod som barnedåp, bryllup og gravferd hadde gjestene med seg eige bestikk. Skulle dei til kyrkja hadde dei med seg offerpengar og luktevannshus. Aagot Noss (2005) refererer frå informantar at ein i  kvardagen hadde smågodt oppi, og ved kyrkjeferd var det gjerne brennevinsflaska som fekk plass!

I dag er det vel helst andre ting som får plass inni lauslomma. Det er ikkje mangt den kan romma, men essensielle småting som mobil, nøklar og pengar går fint oppi. Og kanskje ein liten sjokolade for å halda blodsukkeret oppe medan ein ser på barnetoget på 17. mai!

Veskelåsane frå Sylvsmidja vert laga i sølv, sølvplett eller messing. Overflata er anten oksidert, kvitt, forgylt eller gamalforgylt, og alle er nydeleg dekorerte med utsøkte og detaljerte motiv.

- Dei som vil ha det mest eksklusive kjøper veskelås i sølv. Sølvplett er eit rimelegare alternativ, seier gullsmed Trond Johansen i Sylvsmidja. Me har også veskelås i messing som mellom anna vert brukt i Oppdal og Sunnmøre.