Dette er smykketrendane som gjeld no
Personlege uttrykk, vågal stil og berekraftig luksus pregar trendbildet. Smykka skal bety noko og formidla ei historie. Dei skal ta plass, skapa merksemd og ha ein kvalitet som varer.
Dette er altså sesongen for modige designval som òg tek omsyn til miljøet.
Med tidlaust design og organiske former fangar Spor opp fleire av desse trendane.
Sjå alle smykke frå Spor-kolleksjonen
Statement-smykke dominerer trendbildet
Store armbånd, skulpturelle ringar og markante øyredobbar tek plass denne sesongen. Dei er gjerne asymmetriske og har uventa detaljar. Smykka skal dominera og gje antrekket eit visuelt løft.
Perlesmykke får ein moderne vri
Perlesmykke er tidlause, men no får dei ein moderne vri. Det handlar om lag-på-lag-styling, ein miks av ulike typar perler og steinar, og leikne kontrastar mellom matte og blanke overflater.
Miks av metall er meir aktuelt enn nokon gong
Å kombinera ulike metall som sølv og gull er ein av dei sterkaste trendane denne sesongen. Miksen gir eit moderne uttrykk og tilfører karakter, og det opnar opp for meir leiken styling.
Charms og anheng opnar opp for personleg stil
Charms og anheng er synlege i trendbildet no, gjerne i kombinasjon med kjeder eller armband. Det handlar om små, detaljrike smykke som gir rom for variasjon og personleg stil, ein trend som balanserer nostalgi med individuelt uttrykk.
Få tips til korleis du kan kombinera ulike kjeder og anheng.
Berekraft har blitt ein viktig del av smykketrenden
Smykke laga med omsyn til miljø og produksjon får stadig meir merksemd. Trenden peikar mot høg kvalitet, lokal produksjon og materialval som står seg over tid.