Ledig stilling: Innhaldsprodusent

Har du eit auge for estetikk, skapar engasjerande innhald og veit kva som fungerer i sosiale medium? Som innhaldsprodusent får du utfalda deg kreativt med foto, video og tekst, og vil vera ein viktig ressurs i Sylvsmidja sitt arbeid med merkevarebygging og historieforteljing.

 

Du har ansvar for å laga innhald til sosiale medium, med mål om å styrkja merkevara, skapa engasjement og bidra til sal. Arbeidet omfattar òg innhaldsproduksjon til andre digitale flater, saman med sal- og marknadsavdelinga. Du får også få høve til å jobba med spanande prosjekt på tvers av organisasjonen og saman med eksterne partnarar.

 

Du er ein omgjengeleg person som er god til å byggja relasjonar og som tek initiativ. Du har forståing for korleis godt innhald bidreg til både merkevarebygging og sal, og kombinerer visuell teft med gode skriveferdigheiter på nynorsk og engelsk. Innhaldsmarknadsføring er noko du brenn for, og du likar å halda deg oppdatert på trendar og utvikling i faget.

 

• Ansvar for sosiale medium, både organisk og betalt
• Community-ansvar og samarbeid med eksterne innhaldsskaparar
• Innhaldsplanlegging, multimedia-produksjon og publisering på tvers av kanalar og format
• E-postmarknadsføring, B2C og B2B
• Evaluering og rapportering for kontinuerleg forbetring

 

• Har evne til å produsera nyttig innhald som engasjerer emosjonelt
• Trivst både framfor og bak kamera
• Kan sosiale medium ut og inn og held seg oppdatert på trendar, nye funksjonar og beste praksisar
• Er ein sterk visuell formidlar med god erfaring i verktøy for bilde- og videoredigering, både på desktop og mobil
• Kan skriva engasjerande og inspirerande tekstar på nynorsk og engelsk
• Har kjennskap til e-handel og forstår samspelet mellom innhald, merkevare og sal
• Har analytiske ferdigheiter og kan bruka innsikt til å optimalisera innhald og måla effekt

 

• 100 % fast jobb i ei solid verksemd i aktivitetsbygda Voss
• Ein kreativ og variert arbeidskvardag
• Moglegheit for kompetanseutvikling
• Konkurransedyktige løn- og arbeidsvilkår

 

Med kjærleik for faget har me i 85 år laga smykke av ypparste kvalitet i verkstaden vår på Voss. I dag er me den leiande tilverkaren av det som får bunader til å blenkja, og i tillegg lagar me produkt retta mot smykke- og gåvemarknaden. Salet av produkta våre skjer i hovudsak i Noreg, men me jobbar òg med ei spanande satsing internasjonalt og har fleire innovasjonsprosjekt gåande. Verksemda vår har 70 tilsette og ein årsomsetnad på ca. 130 mill.

Har du spørsmål? Ta kontakt med:

• Marknadssjef, Maria Liv Gjerstad
  E-post: maria.gjerstad@sylvsmidja.no
  Tlf.: 99 71 58 52

eller

• Dagleg leiar, Trond Syversen
  E-post: trond.syversen@sylvsmidja.no
  Tlf.: 99 20 71 88

Send søknad med CV på e-post til maria.gjerstad@sylvsmidja.no innan 30. januar 2026.