Konfirmasjon - Gje ei gave som kan vara evig
Skal du i konfirmasjon? Hjå Sylvsmidja finn du eit stort utval flotte gaver både til jenter og gutar. Ei gave av sølv er noko konfirmanten aldri veks frå.
– Veldig mange ynskjer seg pengar, men eigentleg er det jo endå kjekkare å få noko ein kan ha med seg heile livet.
Sjølv om pengar står høgt på ynskjelista til mange konfirmantar, kan det også vera fint å gje berekraftige gaver som er både minneverdige og personlege.
– Det kule med mykje av bunadsølvet er at det kan brukast utan bunad også, seier Emma Gjerstad, som stolt stod konfirmant i ny vossabunad.
– Eg fekk for eksempel ei skikkeleg fin hårklemme av sølv til konfirmasjonen min, seier Emma vidare, mens ho med raske fingrar klikkar seg inn på sylvsmidja.no for å visa hårpynten fram til veninnene sine.
– Oi, superfin! kommenterer Synneva Almeland når ho ser den blenkjande klemma.
– Den hårspenna der kan du jo bruka til ein fin kjole også. Eller berre når du vil pynta deg litt ekstra, held ho fram.
Populær gave til jente
Ein enkel hestehale blir kjapt elegant med hårstrikkar, hårspenner og hårklyper frå Sylvsmidja. Den blenkjande hårpynten kan brukast både med og utan bunad. Hårpynt av sølv er ei populær gave til konfirmant.
Gaver som varer i generasjonar
Også Synneva har konfirmasjonen sin friskt i minne. Ei av dei finaste gavene ho fekk var mansjettknappar til bunadsskjorta som ho arva etter oldemora si:
– Det betyr veldig mykje for meg å kunna bruka noko som også oldemor brukte og var glad i.
Bunadsølv er minnerikt og kan gå i arv – akkurat som i Synneva sitt tilfelle. Gjev du bunadsølv i konfirmasjonsgave, gjev du vekk noko tidlaust som den heldige mottakaren kan ha gleda av resten av livet.
Noko av sølvet mitt er nytt og noko har eg arva, fortel Synneva Almeland. Bunadsølv er ein av få ting som kan sjå heilt nytt ut sjølv om det er arva gjennom generasjonar.
Bunadsveske – ei praktisk gave til konfirmant
Bunadveskene frå Sylvsmidja er i si heilheit laga på Voss: Frå design og sying til den vakre sølvdekoren og veskelåsen. Dei flotte veskelåsane har tradisjonell dekor og er enkle å opna og lukka. Veskene passar også til bunader som opphaveleg ikkje har veske.
Personlege gaver til han og henne
Bunadsølv blenkjer på gåvebordet, kastar glans over store dagar og kan brukast år etter år. Prikken over i-en set du ved å få gravert inn namn, initialar eller dato på det du kjøper for å gjera gåva unik og personleg.
Namneskilt, 17. mai-sløyfe, veskelås, klokker og klokkekjede, knivslire og beltestøl er noko av det som kan graverast. Når bunadsølv er gravert, er det i tillegg ekstra stas for neste generasjon å arva sølvet når den tid kjem.
Konfirmasjonsgaver til gutt
Synest du det er vanskeleg å vita kva du skal gje? Her er løysinga for deg: Kjøp eit gåvekort frå Sylvsmidja, og lat konfirmanten sjølv få klikka heim den nye sølvskatten sin.
Blenkjande sølvbelte
Beltestølar til sølvbelte er fine å gje som ei gåve konfirmanten kan samla på heilt til ho har nok stølar til eit komplett belte.
I beltekalkulatoren kan du sjølv kan plukka dei elementa du ynskjer å ha med på sølvbeltet. Her får du også svar på kor mange stølar du treng, og kan enkelt bestilla eit komplett sølvbelte.
