Heilnorske smykke frå Sylvsmidja

Eit smykke treng ikkje venta på den store dagen.

Det kan vera noko du tek på deg ein kvardag fordi det passar genseren, skjorta eller humøret. Andre gongar er det gåva du gler deg til å gje.

Sylvsmidja lagar smykke som spenner frå mjuke naturformer til kraftfulle motiv med røter i norsk historie og tradisjon. Felles for alle er edelmetalla og handverket som ligg bak.

I verkstaden vår på Voss vert bunadsølv og moderne smykkekolleksjonar laga side om side.

Les meir om dei ulike smykkekolleksjonane og finn det som passar deg:

Spor – inspirert av naturen. For kvinner som likar å eksperimentera med ulike smykkekombinasjonar
Sagastad – for kvinner og menn som likar kraftfulle, røffe smykke
Unite – for deg som vil bera eit symbol på samhald og fellesskap
Crossings – for deg som vil symbolisera nye byrjingar

Spor smykkekolleksjon – små former frå naturen

Spor er norsk natur forma i sølv og gull. Ein knopp på ein stilk, ei bladform, lav på grein. Rytmen i havet og blomar som vender seg mot lyset.

Kolleksjonen er laga for deg som vil ha norske smykke med særpreg. Dei kan brukast åleine eller setjast saman på nye måtar, etter stil, sesong og anledning.

Sjå Spor-smykka her

Spor er designa av Anne Lise Tollefsen og forma vidare av dei dyktige gullsmedane i Sylvsmidja. Resultatet er smykke med eit kunstnarisk uttrykk.

Sagastad - vikingsmykke med kraft i forma

Sagastad er røffare, mørkare og meir markant, med norrøne former og kraft i symbola. Kolleksjonen er laga i samarbeid med gullsmed Kathrine Berg og Sagastad Vikingsenter og har motiv inspirert av autentiske vikingfunn.

Vikingpreget er altså tydeleg, men smykka fungerer også for deg som berre er ute etter eit røft smykke.

Sjå alle Sagastadsmykka her

Unite

I Unite er bindersen det berande motivet.

Liten, kvardagsleg og lett å kjenna att, men med sterk forankring i norsk motstandshistorie, som eit teikn på samhald, styrke og viljen til å halda saman.

Kolleksjonen er forma i ekte sølv som armband og sløyfe, designa av Hanna Høiness og Bjørn Bye.

Sjå smykka og les meir om Unite

Crossings – å setja segl mot det ukjende

Crossings er ei hyllest til eventyrlyst, fridom og nye byrjingar.

Kolleksjonen er inspirert av emigrantskipet Restauration og historia om dei som reiste frå Noreg for over 200 år sidan, med håp om ein ny start i Amerika. I dag handlar det framleis om noko mange kan kjenna seg att i: å finna fotfeste i det nye utan å sleppa taket i det ein kjem frå.

Sjå Crossings-smykka